Vrastan

Դեկտեմբերի 24-ին Երեւանում անցկացվեց վրաց-հայկական աշխատանքային խմբի երկրորդ նիստը։ Վրացական կողմից աշխատանքային խումբը գլխավորում էր Վրաստանի փոխվարչապետ, էկոնոմիկայի եւ կայուն զարգացման նախարար Գիորգի Կվիրիկաշվիլին, իսկ հայկական կողմից՝ Հայաստանի էկոնոմիկայի նախարար Կարեն Ճշմարիտյանը։

Հայաստանի վարչապետ Հովիկ Աբրահամյանի ներկայությամբ, դեկտեմբերի 24-ին Հայաստանի կառավարությունում ստորագրվեց «Հայաստանի Հանրապետության եւ Վրաստանի կառավարությունների միջեւ Հայաստանի Հանրապետության ու Վրաստանի պետական սահմանի Բագրատաշեն-Սադախլո անցման կետի տարածքում, Դեբեդ գետի վրա, նոր կամրջի կառուցման վերաբերյալ» համաձայնագիրը: Փաստաթուղթն ստորագրեցին Հայաստանի տրանսպորտի եւ կապի նախարար Գագիկ Բեգլարյանը եւ Վրաստանի փոխվարչապետ, էկոնոմիկայի եւ կայուն զարգացման նախարար Գիորգի Կվիրիկաշվիլին:

Տարբեր միություններում գտնվելը չի խոչընդոտի Վրաստանի եւ Հայաստանի համագործակցությանը առեւտրային ու տնտեսական ոլորտներում:

Այս մասին աշխատանքային խմբի երկրորդ նիստից հետո հայտարարեց Վրաստանի փոխվարչապետ, էկոնոմիկայի եւ կայուն զարգացման նախարար Գիորգի Կվիրիկաշվիլին: Նրա խոսքով, Վրաստանն անելու է ամեն ինչ, որ Եվրամիության հետ համագործակցության ամրապնդումը համատեղի Հայաստանի հետ համագործակցությանը: «Մենք ունենք բավականին ժամանակ, որ քննարկենք բոլոր տեխնիկական հարցերը` կապված դրա հետ: Անելու ենք ամեն ինչ, որ Վրաստանն ու Հայաստանը մնան ակտիվ առեւտրատնտեսական կապերի մեջ: Հայաստանը մեզ համար կարեւորագույն առեւտրային գործընկերներից է: Այն մտնում է Վրաստանի առեւտրային գործընկերների տասնյակի մեջ, եւ մենք անելու ենք ամեն ինչ, որ այս հարաբերությունները զարգանան»,- հայտարարեց Կվիրիկաշվիլին:
Նա նկատեց, որ պետությունները մի քանի տարի ժամանակ ունեն՝ որպես անցումային շրջան, եւ փորձելու են պահպանել այն մաքսային դրույքաչափերը, որ գործել են մինչ այժմ: «Կանենք հնարավորինս, որ մնանք այն մաքսային դրույքաչափերին, որոնք կան մեր երկրների միջեւ: Մենք ունենք հնարավորություն` քննարկումներ սկսելու առեւտրի նոր փոփոխությունները քննարկելու համար»,- հայտնեց նա:

Հայաստանի եւ Վրաստանի համար ձեռնտու չէ փոխել ազատ առեւտրի ռեժիմը, հետեւաբար, երկու պետությունները կանեն հնարավորը պահպանելու համար առեւտրի ոլորտում այդ իրավիճակը:

Այս մասին, Երեւանում անցկացվող հայ-վրացական համատեղ աշխատանքային խմբի երկրորդ նիստից հետո, հայտարարեց Հայաստանի էկոնոմիկայի նախարար Կարեն Ճշմարիտյանը: Նա ընդգծեց, որ Վրաստանի հետ առեւտրաշրջանատության ծավալը տարեցտարի ավելանում է:
Հայաստանի էկոնոմիկայի նախարարը նշեց, որ աշխատանքային խորհրդակցության հիմնական իմաստը եւ ուղղությունն այն է, որ կողմերը գտնեն համագործակցության նոր ուղիներ: «Հիմնականում պահպանելու ենք ավանդական ուղղությունները, սակայն դրանց կավելանան նորերը: Վրաստանը Եվրամիության հետ արդեն ունի ազատ առևեւտրի ռեժիմ, միեւնույն ժամանակ Հայաստանը դարձել է Եվրասիական տնտեսական միության անդամ, այսինքն՝ երկու կողմերը կարող են օգտվել այդ հանարվորություններից»,- նկատեց Կարեն Ճշմարիտյանը:

Ժամը 23։55 էր, երբ ֆեյսբուքյան իմ զրուցակցին՝ ընդամենը 10-րդ դասարանի աշակերտ Աննա Հովհաննիսյանին, բարի գիշեր մաղթեցի՝ գիտակցելով, որ վաղն առավոտյան դպրոց է գնալու.

- Դե’, գնա քնիր, Աննա ջան, շատ ուշ է։
- Չէ, ի՞նչ եք ասում,- պատասխանեց նա,- ես դեռ այնքա՜ն գործեր ունեմ։ Քննաշրջանն է սկսվել։
- Դպրոցու՞մ,- ստիպված շարունակեցի զրույցս։
- Ո’չ, Իվ. Ջավախիշվիլու անվան Թբիլիսիի պետական համալսարանում (ԹՊՀ¤։
- Այսի՞նքն,- զարմացա ես։
- Դե, ես նաեւ ԹՊՀ ճշգրիտ ու բնագիտական գիտությունների ֆակուլտետի մաթեմատիկայի դեպարտամենտի եւ ԹՊՀ Մանկական համալսարանի կրթագիտական դպրոցի 4-րդ խմբի 12-րդ դասարանի սանն եմ ու նաեւ ղեկավարը։

Այս խորագիրն էր կրում դեկտեմբերի 12-ին, Թբիլիսիի Գլդանի թաղամասում գտնվող թիվ 79 վրաց-ռուսական հանրային դպրոցում (տնօրեն՝ Քեթեւան Թեւդորաշվիլի), «Հայարտուն» մշակութային կենտրոնի հետ համագործակցությամբ, կայացած գրական երեկոն: Այստեղ էին եկել խոնարհվելու գրքին, մեծարելու գիրքն ու եւս մի անգամ հաստատելու, որ գրքին խոնարհումը սովորել է նշանակում, հետեւաբար՝ բարձրանալ: Եվ դպրոցի գրադարանի վերաբացման հետ էլ կապված էր այս գեղեցիկ միջոցառումը, որի ժամանակ կենտրոնի տնօրեն Լեւոն Չիդիլյանը գրադարանին նվիրեց 30 գիրք։

Ժամանակակից անվանի վիպասան Գուրամ Դոչանաշվիլին հավաքվածներին պատմեց իր գործունեության մասին, խոսեց վրաց գրականության, վրաց իրականության մեջ գրքի դերի ու առաքելության, գրքերի փառատոների մասին, որտեղ իր գրքերը միշտ էլ առաջնակարգ տեղերում են եղել ու կան... Եվ քանի որ Գուրամ Դոչանաշվիլին եղել է Զվիադ Գամսախուրդիայի եւ Մերաբ Կոստավայի համադասարանցին, ապա ջերմորեն ընդունվեց եւ նրա խոսքը՝ իր մեծ համադասարանցիների մասին: Իսկ բանաստեղծուհի Անահիտ Բոստանջյանը պատմեց Վրաստանում հայ գրականության, «Կամուրջ» տարեգրքի, հայ-վրաց բազմադարյան գրական աղերսների, «Մերանի» հրատարակչության հայկական բաժնի, վրացերենից հայերեն ու հայերենից վրացերեն թարգմանական գրքերի մասին՝ ավետելով, որ ընդամենը մի քանի օր առաջ Երեւանի «Անտարես» հրատարակչությունը՝ Վրաստանի մշակույթի եւ հուշարձանների պահպանության նախարարության աջակցությամբ, հրատարակել է վրաց անվանի գրող Իրակլի Սամսոնաձեի «Ականջաբարձ» վեպը՝ իր թարգմանությամբ, իսկ շուտով լույս կտեսնի «Վրաց երիտասարդական պոեզիայի անթոլոգիան»՝ դարձյալ իր թարգմանությամբ:
Այնուհետեւ հյուրերը պատասխանեցին աշակերտներին հետաքրքրող հարցերին:
Հանդիսությունն ամբողջացրին դպրոցի աշակերտներն իրենց հրաշալի ասմունքով, բեմականացումներով, երգ ու պարով: Ներկաները ծափահարություններով ընդունեցին նաեւ դուդուկահար Վանո Մկրտչյանի կատարումը եւ տողերիս հեղինակի ասմունքը:

ԼԻԶԱ ԹՈՐՈՍՅԱՆ
Թբիլիսիի Իվ. Ջավախիշվիլու անվան պետական համալսարանի ուսանողուհի

Դեկտեմբերի 16-ին Զուրաբ Ժվանիայի անվան պետական վարչական դպրոցը Սամցխե-Ջավախեթիի հանրային աշխատողներին ներկայացրեց կրթօջախի ծրագրերն ու առկա հիմնախնդիրները։

Հանդիպումն անցկացվեց Ախալցիխեում, Սամցխե-Ջավախեթիի երկրամասային վարչությունում։ Հանդիպմանը ներկա էին երկրամասի պետական լիազոր-նահանգապետ Ակակի Մաչուտաձեն, մունիցիպալիտետների վարչությունների նախագահները, փոխնախագահները եւ սակրեբուլոյի նախագահները։
Զուրաբ Ժվանիայի անվան պետական վարչական դպրոցի տնօրեն Քեթեւան Ջաղելին շնորհանդեսին խոսեց 2014 թվականին դպրոցի կողմից իրականացված աշխատանքների եւ 2015 թվականին ծրագրված նախագծերի մասին։