Վրաստանի գիտության եւ կրթության նախարարությունը ձեռնամուխ է եղել Թբիլիսիի թիվ 103 վրաց-հայկական հանրային դպրոցի նախկին շենքի ապամոնտաժման աշխատանքներին։
Ապամոնտաժման որոշումը նախարարությունն ընդունել էր Սամխարաուլու անվան փորձագետների բյուրոյի կողմից ընդունված եզրակացության հիման վրա։ Հիշեցնենք, որ թիվ 103 հանրային դպրոցի աշակերտները նոր ուսումնական տարին ժամանակավորապես կշարունակեն թիվ 157 հանրային դպրոցում։ Ապամոնտաժումից հետո թիվ 103 դպրոցի տարածքում կկառուցվի նոր, արդի չափորոշիչներին համապատասխան 1000 աշակերտի համար նախատեսված դպրոց։
Նախարարությունը Թբիլիսիի քաղաքապետարանի հետ վթարային վիճակում գտնվող շենքի հարցով անհրաժեշտ բոլոր միջոցառումներն իրականացրեց կարճ ժամանակահատվածում։ Նոր դպրոցի շինարարության գործում նախարարությունն ակտիվորեն համագործակցում է քաղաքապետարանի հետ։
Օգոստոսի 15-ին Վրաստանի կրթության եւ գիտության նախարար Թամար Սանիկիձեն եւ Թբիլիսիի քաղաքապետ Դավիթ Նարմանիան եղան թիվ 103 դպրոցի տարածքում, հանդիպում ունեցան տեղի բնակիչների հետ եւ պատասխանեցին նրանց հետաքրքրող հարցերին։
